ಮುಖ್ಯ ಬಾಗಿಲಿಗಾಗಿ ವಾಸ್ತು ಟಿಪ್ಸ್

ಪ್ರವೇಶ ಹಾಗು ಮುಖ್ಯ ಬಾಗಿಲು ಅತಿಥಿಗಳನ್ನು ಸ್ವಾಗತಿಸುವ ಸ್ಥಳ, ಅದರಲ್ಲಿಮೊದಲ ನೋಟದಲ್ಲೇ ಉತ್ತಮ ಅಭಿಪ್ರಾಯ ಮೂಡಿಸುವಂತಹ ಸ್ಥಳವಷ್ಟೇ ಅಲ್ಲದೆ ವಾಸ್ತು ಶಾಸ್ತ್ರದಲ್ಲಿ ಬಹಳ ಪ್ರಾಮುಖ್ಯತೆಯನ್ನು ಹೊಂದಿರುವಂತಹ ಸ್ಥಳ. ವಾಸ್ತು ಪ್ರಕಾರ, ವಾಸಸ್ಥಳದ ಈ ಪ್ರವೇಶವು ಮನೆಯ ಇಡೀ ವಾತಾವರಣಕ್ಕೇ ಸಕಾರಾತ್ಮಕ ಶಕ್ತಿಯ ಸುಗಮವಾದ ಹರಿವನ್ನು ಉಂಟು ಮಾಡುವಂತಹ ಸ್ಥಳ. ಹೀಗಾಗಿ ಮನೆ ಮತ್ತು ಆಫೀಸಗಳಲ್ಲಿ (ಅಂಗಡಿಗಳು, ವರ್ಕ್‌ಶಾಪ್‌ಗಳು, ಫ್ಯಾಕ್ಟರಿಗಳು, ಮುಂತಾದವುಗಳನ್ನು ಒಳಗೊಂಡು) ಮುಖ್ಯ ಬಾಗಿಲಿಗಾಗಿ ವಾಸ್ತುವನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು. ಪ್ರಾಥಮಿಕವಾಗಿ ವಾಸ್ತು ಉಪಾಯಗಳು ಮುಖ್ಯ ಬಾಗಿಲನ್ನು ಇರಿಸಿರುವ ರೀತಿ ಮತ್ತು ಅದರ ದಿಕ್ಕಿನ ಮೇಲೆ ಗಮನ ಕೇಂದ್ರೀಕೃತಗೊಂಡಿವೆ. ವಾಸ್ತು ಪ್ರಕಾರ ವಿನ್ಯಾಸಪಡಿಸಲಾದ ಮುಖ್ಯ ಪ್ರವೇಶ ದ್ವಾರವು ಮನೆಯಲ್ಲಿನ ಕುಟುಂಬದ ಸದಸ್ಯರ ನಡುವೆ ಹಾಗು ಸಂಬಂಧಿಕರೊಂದಿಗೆ ಸೌಹಾರ್ದಯುತ ಸಂಬಂಧಗಳನ್ನು ಬೆಳೆಸಲು ಹಾಗು ಅದನ್ನು ಕಾಯ್ದುಕೊಳ್ಳಲು ನೆರವಾಗುತ್ತದೆ. ಹಾಗು ಒಂದು ಆಫೀಸಿಗೆ ಹೆಚ್ಚು ಹೆಚ್ಚು ವ್ಯಾಪಾರದ ವಹಿವಾಟುಗಳನ್ನು ತರುತ್ತದೆ.
ಕೆಲ ಪ್ರವೇಶ ಮತ್ತು ಮುಖ್ಯ ದ್ವಾರದ ಕೆಲ ಮುಖ್ಯ ವಾಸ್ತು ಉಪಾಯಗಳು ಮತ್ತು ಅವು ಏಕೆ ಮುಖ್ಯ ಎಂಬುದು ಈ ಕೆಳಗಿನಂತಿವೆ: –
ನಿಮ್ಮ ಮುಖ್ಯ ಬಾಗಿಲು ಯಾವ ದಿಕ್ಕಿನ ಎದುರಿಗಿದೆ?

ಮನೆಯ ಮುಖ್ಯ ಬಾಗಿಲು ಮನೆಯಲ್ಲಿ ಸಂಪಾದನೆ ಮಾಡುವ ಮುಖ್ಯ ವ್ಯಕ್ತಿಯ (ಅಥವಾ ಆಫೀಸ್‌ನ ವಿಚಾರದಲ್ಲಿ ಮಾಲೀಕರ) ಜನ್ಮ ದಿನಾಂಕಕ್ಕೆ ಅನುಸಾರವಾಗಿರಬೇಕು. ಮುಖ್ಯ ಬಾಗಿಲಿನ ದಿಕ್ಕು ಎಲ್ಲರಿಗೂ ಒಂದೇ ತೆರನಾಗಿ ಸಾಮಾನ್ಯಗೊಳಿಸಲು ಸಾಧ್ಯವಿಲ್ಲ. ಹೀಗಾಗಿ ಅದು ಸರಳ ವಾಸ್ತು ತಜ್ಞರು ನಿಮ್ಮ ಜನ್ಮ ದಿನಾಂಕದ ಅನುಸಾರ ಲೆಕ್ಕಾಚಾರ ಮಾಡಲಾದಂತಹ ಅನುಕೂಲಕರ ದಿಕ್ಕುಗಳಲ್ಲಿ ಒಂದು ದಿಕ್ಕಾಗಿರಬೇಕು.
ನೀವು ಮುಖ್ಯ ಬಾಗಿಲಿನ ಮುಂದೆ ಮಲಗುತ್ತೀರಾ?

ಮುಖ್ಯ ದ್ವಾರದ ಎದುರು ಮಲಗುವುದು ವಾಸ್ತು ಶಾಸ್ತ್ರದ ಪ್ರಕಾರ ನಿಮ್ಮ ಆರೋಗ್ಯದ ಮೇಲೆ ಗಾಢವಾದ ಋಣಾತ್ಮಕ ಪರಿಣಾಮ ಬೀರುತ್ತದೆ. ಹಾಗೆ ಮಾಡದೇ ಬೇರೆ ದಾರಿಯಿಲ್ಲವಾದರೆ, ಮಲಗುವಾಗ ನಿಮ್ಮ ಅನುಕೂಲಕರ ದಿಕ್ಕಿನಲ್ಲಿ ಮಲಗುವುದನ್ನು ಖಚಿತಪಡಿಸಿಕೊಳ್ಳಿ.
ಈ ಮೊದಲೇ ಉಲ್ಲೇಖಿಸಲಾದಂತೆ ಮುಖ್ಯ ಬಾಗಿಲಿನ ಮುಂದೆ, ಒಳಗಿನಿಂದ ಅಥವಾ ಹೊರಗಿನಿಂದ ಯಾವುದೇ ಅಡೆತಡೆಗಳು ಇರಬಾರದು ಎಂದು ಬಾಗಿಲಿನ ವಾಸ್ತು ಉಪಾಯಗಳು ತಿಳಿಸುತ್ತವೆ. ವಾಸಸ್ಥಳದಲ್ಲಿ ಶಕ್ತಿಯ ಹರಿವಿನ ಮೇಲೆ ಇದು ಪ್ರಭಾವ ಬೀರುತ್ತದೆ. ಮುಖ್ಯ ಬಾಗಿಲು ಪೂರ್ಣವಾಗಿ ತೆರೆಯುವುದಕ್ಕೆ ತಡೆಯಾಗಿರುವ ಯಾವುದೇ ಪೀಠೋಪಕರಣ ಅಥವಾ ಶೂ ಗಳನ್ನು ಅಲ್ಲಿಂದ ತೆಗೆಯಿರಿ.
ತೆರೆಯುವಾಗ ಅಥವಾ ಮುಚ್ಚುವಾಗ ನಿಮ್ಮ ಮನೆಯ ಮುಖ್ಯ ಬಾಗಿಲು ಸದ್ದು ಮಾಡುತ್ತದೆಯೇ?

ಬಾಗಿಲು ಯಾವುದೇ ರೀತಿಯ ಕಿರಿಗುಟ್ಟುವ ಸದ್ದನ್ನು ಮಾಡಬಾರದು, ಏಕೆಂದರೆ ಇಂತಹ ಸದ್ದು ಮನೆಯಲ್ಲಿ ಋಣಾತ್ಮಶಕ್ತಿಯನ್ನು ಹರಡುತ್ತದೆ. ನೀವು ಅದಕ್ಕೆ ಒಂದು ಎಣ್ಣೆ ಸವರಬಹುದು ಅಥವಾ ಕೀಲುಗಳನ್ನು ಬದಲಿಸಬಹುದು.
ನಿಮ್ಮ ಮುಖ್ಯ ಬಾಗಿಲಿನ ಎದುರಿಗೆ ಏನಿದೆ?

ಅದರ ಮುಂದೆ ಯಾವುದೇ ಎಲೆಕ್ಟ್ರಿಕ್ ಕಂಬಗಳು ಇರಬಾರದು. ಏಕೆಂದರೆ ಇವು ಋಣಾತ್ಮಕ ಶಕ್ತಿಯನ್ನು ಉಂಟು ಮಾಡುತ್ತವೆ. ಈ ಕಂಬಗಳಿಂದ ಉಂಟಾಗುವ ವಿದ್ಯುದೀಯ ಅಡಚಣೆಗಳು ಮನೆಯೊಳಗಿನ ಹಾಗು ದೇಹದೊಳಗಿನ ಶಕ್ತಿಯ ಮೇಲೆ ಪ್ರಭಾವ ಬೀರುತ್ತವೆ.